തിരുവനന്തപുരം: വാഹനത്തിന് സൈഡ് കൊടുത്തില്ലെന്നാരോപിച്ച് കെഎസ്ആർടിസി ഡ്രൈവർക്ക് യുവാവിൻ്റെ ക്രൂര മർദ്ദനം. ആര്യനാട് ഡിപ്പോയിലെ ഡ്രൈവർ മൻസൂറിനാണ് മർദ്ദനമേറ്റത്. പിക്കപ്പ് വാൻ ഡ്രൈവറായ നൗഫൽ ആണ് ബസ് തടഞ്ഞു നിർത്തി കെഎസ്ആർടിസി ജീവനക്കാരനെ ക്രൂരമായി മർദ്ദിച്ചത്. അക്രമത്തിൽ ഗുരുതരമായി പരുക്കേറ്റ കെഎസ്ആർടിസി ഡ്രൈവറെ മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്. മർദ്ദനത്തിൽ മൂക്കിനും പുറംഭാഗത്തും മൻസൂറിന് സാരമായി പരുക്കേറ്റിട്ടുണ്ട്.
മുന്നിൽ കയറ്റമായിരുന്നു, അപകടസാധ്യത കൂടുതൽ ഉള്ളതിനാൽ നേരെ കൈകാണിച്ചിട്ടും പിക്കപ്പ് നിർത്തിയിരുന്നില്ല. പിന്നീട് പിക്കപ്പ് ഡ്രൈവർ വാഹനം തട്ടിയെന്ന് പറഞ്ഞ് ദേഷ്യപ്പെടുകയും മർദിക്കുകയുമായിരുന്നുവെന്ന് കെഎസ്ആർടിസി ഡ്രൈവർ പറഞ്ഞു. രണ്ടു പേരാണ് പിക്കപ്പ് വാഹനത്തിൽ ഉണ്ടായിരുന്നതെന്ന് മൻസൂർ പറയുന്നു.
